ZRACNA KI BOINA HO HILCHENNA
CNF/CNA makaih CJDC PDF te’n Zomite hong bawlsiatna uh.
i). Moses Kim Tuang, Secretary, Information & Media, ZPCC Myanmar, a matkhit nung un, ganhing bang in bawlsia in, hehpihna bei in hong gawl-atsak uh hi. Sia Kim Tuang pen, Zogam Charter bawlna a mi poimoh mahmah, Zomi leh Zogam ading a hinna luikhia ahihman in zahtakna sangpen kipia hi. Pasian in phu hong laksak ding a, Zomi te’n ama sihna kimanghilh ngeilo ding hi.
ii). Zomi nungak, Bukphil khuami CNA te Zimte camp ah bawlsia in rape uh hi.
iii). Lentang(Laitui leh Haimual kikal) ah zong Zomi nungak khat hong rape sak uh hi.
iv). Singlei khua ah zong Zomi nungak no khat rape uh hi.
v). Eastern Zogam ah honglut in, bomb thang kam uh a, Zomi te national animal (Sial/Mithun) tampi in sihlawh uh hi.
vi). Sum dawngte tung ah tax la in, a pelote hehpihna bei in bawlsia zel uh hi
vii). Pasian gam nasem Pastor/Rev te zong dawmlo uhhi.
viii). ZRA(EC) te 3vei hong busimta uh a, himahleh, tuabang hunte ah Zomi-te Pasian in hong gualzohpih zel hi.
ix). May 2, 2022 in Lentang ah CNF/CNA te bomb thangkam sikkha in Laaitui khuami 1 si in khat nakpitak in liam hi.
Thudik puanna:
i) CDM suanlam a Zomi sung a kikhen kibawlna piangsak CNF ahi. Amau bawlkhiat Zomi sunga PDF min zang pawl tuamtuamte Zomi do ding bek a adeih uh ahi.
ii) CNF/CNA makaih CJDC in pro-democracy movement taisan in Zomi-te hong busim uhi. Tuabang a a gamtatna uh pen MA policy a bucing sak (implement) ahihna uh hipah lian hi.
iii) Gamdang pan CDM huhna honglut sum leh pai teng, makai bangzah hiam in zeek(pocket a kuah) in mipi hong kheem uhi.
_iv) ZRA(EC) in a Zomi policy dinpih den ding a, Zomi leh Zogam humbitna ding in, siit neilo in kalsuan zel ding hi. Kuamah do masak kisawmlo a, hong do masa khatpeuh do thuk ding in kimansa tawntung hi.
CDM min paulap a, CJDC in Zomi te hong do na pe’n, amau thudik a theihloh man uh ahi ci in ZRA(EC) in na tak a do thuk (offensive) kisawmlo hi. Amaute zong Zomi sisan ngiat ahihna uh kihaihlo a, melma bang in ki-enlo hi. Himahleh, MA te sanga zong huham zaw, I mi leh sa, ganta leh neih leh lam tunga a tatsiatnate uh kimanghilhlo ding a, hong khutkhak masak hun peuhmah ciang un khutzep in ki-enlo a, ki en ngeilo ding hi.
ZRO/ZRA kibulphuhna, Thudik toh gualzohna(Truth and Freedom) ahih mah bang in, Minam nasepna ah thuzuau toh kikalsuanlo hi. Tua ahihman in, Zosuan, Zomi muncih-mualcih a om te’n thudik theitel a dinpih ciat ding in kong ngen nuam uh hi. Tua bang ding in Pasian in, Zomi te theihna leh theihkakna bucing hong guan henla, Ama min thupitna ding in Zomi leh Zogam hong laamsang ta hen...!
Zomite khanglo chiat ni...!! Laizom Zomi melma kisuah kei ni...!
Laikhak,
Sd/-
(Maj. ADDY),
ZRA-Eastern Command,
Mt. Elija Camp, Zogam
No comments